“COP29-a ev sahibliyi edən ölkə seçildikdən sonra hədəfə çevrildik”
“Azərbaycan COP29-a ev sahibliyi edən ölkə kimi seçildikdən sonra biz hədəfə çevrildik və bu, qarayaxma kampaniyası idi”.
1xeber.media xəbər verir ki, bu fikri Azərbaycan Prezidenti İlham Əliyev bu gün COP29-un Liderlər Sammitinin açılış mərasimindəki çıxışında söyləyib.
Özünü müstəqil QHT adlandıranların və bəzi siyasətçilərin ölkəmiz haqqında daha çox dezinformasiyanın yayılması üçün sanki bir-biri ilə yarışa girdiklərini vurğulayan dövlət başçısı deyib ki, ölkəmizdə 250-dən artıq günəşli günün olmasına baxmayaraq, onlar bizi daha çox neft ölkəsi adlandırırdılar.
