Fəaliyyətini dayandırmış Azərbaycan Milli Dövlətçilik Partiyasının sədri Nemət Pənahlının dövlətə vergi borcu yaranıb.
1xeber.media Teleqraf-a istinadən xəbər verir ki, bu səbəbdən partiya sədrinin şəxsi avtomobili müsadirə olunaraq, hərraca çıxarılıb.
N.Pənahlının “Toyota Lənd-Kruser” markalı avtomobili vergi ödəyicilərinin siyahıya alınmış əmlakları sırasında qeyd olunub. Satışı İqtisadiyyat Nazirliyi Yanında Əmlak Məsələləri Dövlət Xidməti həyata keçirəcək.
Xidmətin məlumatında qeyd olunub ki, Nemət Əhəd oğlu Pənahlıya məxsus, buraxılış ili 2010-cü il olan “Toyota Lənd-Kruser” avtomobili hərracda satılacaq. Avtomobilin ilkin satış qiyməti 42 min manat müəyyənləşdirilib.
Siyasətçinin məşğul olduğu biznes sahəsi, vergi borcunun necə yaranması və məbləği barədə məlumat yoxdur.
Qeyd edək ki, N.Pənahlının rəhbərlik etdiyi Azərbaycan Milli Dövlətçilik Partiyası 2023-cü ildə ləğv olunub.
