Ötən il Azərbaycandan Niderlanda fiziki şəxslərin pul köçürmələrinin həcmi 4,9 milyon ABŞ dolları təşkil edib.
1xeber.media Azərbaycan Mərkəzi Bankından əldə etdiyi məlumata görə, bu göstərici 2023-cü ilin eyni dövrü ilə müqayisədə 1,7 milyon ABŞ dolları və ya 52,3% çoxdur.
Hesabat ilində ölkənin ümumi pul köçürmələrində Niderlandın payı 0,9% təşkil edib.
Həmçinin, ötən il Niderlanddan Azərbaycana fiziki şəxslərin pul köçürmələrinin həcmi 6 milyon ABŞ dolları olub ki, bu da 2023-cü ildəki göstərici ilə müqayisədə 1,2 milyon ABŞ dolları və ya 24,2% artım deməkdir.
Hesabat ilində ölkəyə ümumi pul köçürmələrində Niderlandın payı 0,6% təşkil edib.
2023-cü ildə Azərbaycandan Niderlanda fiziki şəxslərin pul köçürmələrinin həcmi 3,2 milyon ABŞ dolları, əks istiqamətdə isə 4,8 milyon ABŞ dolları təşkil edib.
Ümumilikdə, 2024-cü ildə Azərbaycandan xarici ölkələrə fiziki şəxslərin həyata keçirdikləri pul köçürmələrinin həcmi 526,8 milyon ABŞ dolları təşkil edib. Bu isə 2023-cü ildəki göstərici ilə müqayisədə 23,4 milyon ABŞ dolları və ya 4,2% azdır.
Eyni zamanda, hesabat ilində xarici ölkələrdən Azərbaycana fiziki şəxslərin pul köçürmələrinin həcmi 1,08 milyard ABŞ dolları təşkil edib ki, bu da 2023-cü ildəki göstərici ilə müqayisədə 571,9 milyon ABŞ dolları və ya 34,6% azdır.
