ABŞ və Çin arasında ticarət müharibəsi getdikcə gərginləşir. Sonuncu dəfə tərəflər məhsullara tətbiq edilən tarifləri qarşılıqlı olaraq 125 faizə qaldırdı. Xüsusilə prosesin telefon və digər texnoloji avadanlıqların qiymətinə təsir edəcəyi bildirilir.
Azərbaycanda vəziyyət necə olacaq?
1xeber.media xəbər verir ki,Globalinfo.az-a danışan informasiya texnologiyaları üzrə mütəxəssis Elvin Abbasov deyib ki, sözügedən qərarlar qlobal iqtisadi dinamikaya ciddi təsir edəcək:
“Xüsusilə smartfonlar, kompüterlər və digər elektron avadanlıqların qiymətində artım olacaq. Bu, təkcə ABŞ bazarı ilə məhdudlaşmayacaq – bir çox ölkələr, həmçinin Azərbaycan bu prosesdən təsirlənəcək. Belə ki, bazara gələn elektron məhsulların əhəmiyyətli hissəsi ya birbaşa Çin istehsalıdır, ya da komponentləri oradan təmin olunur. Bu baxımdan, idxal olunan texnologiyanın maya dəyəri yüksəldikcə, istehlakçı qiymətlərində də artım qaçılmazdır. Paralel olaraq, bu, texnoloji idxalın strukturuna və bazarda alternativ məhsulların axtarışına təkan verə bilər. Bu cür qlobal riskləri azaltmaq üçün yerli istehsalın və texnoloji sahibkarlığın inkişafı daha da stimullaşdırılmalıdır”.
