Norveç, İsveç və Hollandiya Ukrayna üçün Patriot hava hücumundan müdafiə sistemləri üçün pul ödəməyə hazır olduqlarını bildiriblər.
1xeber.media xəbər verir ki, bu barədə Almaniya Müdafiə Nazirliyinin (MN) rəhbəri Boris Pistorius bildirib.
"Digər ölkələr, xüsusilə Norveç, İsveç və Hollandiya Ukraynaya veriləcək "Patriot" sistemlərini maliyyələşdirməyə hazır olduqlarını bildiriblər. Lakin bu sistemləri hansı ölkənin Kiyevə tədarük edə biləcəyi ilə bağlı hələlik yekun qərar yoxdur", - nazir bildirib.
Pistorius qeyd edib ki, ölkələr Ukraynaya göndəriləcək 5-ə qədər Patriot sistemi müəyyən etməyi planlaşdırdıqları üçün qarşılarına “iddialı vəzifə” qoyublar. Onun sözlərinə görə, sistemləri təhvil verəcək ölkələrin “alyansın təhlükəsizlik sistemində boşluqlar yaratmadan NATO çərçivəsində öhdəliklərini yerinə yetirməyə davam etmək imkanının olması” çox vacibdir.
Daha əvvəl Pistorius bildirmişdi ki, Almaniya Ukraynaya altı-səkkiz ay ərzində tez dəyişdirilməsinə etibarlı zəmanət verən iki Patriot sistemi verəcək. Onun sözlərinə görə, bu, Bundesverin döyüş hazırlığını və təlim imkanlarını qorumaq üçün lazımdır.
