İsrail parlamenti (Knesset) İordan çayının qərb sahilini İsrail ərazisi kimi tanıyan qətnaməyə səs verib.
1xeber.media xəbər verir ki, bu barədə Knessetin rəsmi saytında məlumat verilib.
“Knesset plenumu hökuməti Yəhudeya, Samariya və İordaniya vadisinə suverenliyi genişləndirməyə çağıran qətnamənin təsdiqinə səs verdi”, - nəşr yazır.
Qətnamənin lehinə parlamentin 71 üzvü səs verib. Ərəb partiyalarından olanlar da daxil olmaqla 13 üzv əleyhinə səs verib. Sənəddə İordan çayının qərb sahilinin “yəhudi xalqının tarixi, mədəni və mənəvi vətəninin ayrılmaz hissəsi” olduğu vurğulanır.
İyulun əvvəlində məlum olub ki, İordan çayının qərb sahilindən olan nüfuzlu şeyxlər “Hebron Əmirliyi”nin tanınması müqabilində İsraillə sülhün lehinə çıxış ediblər.
