1xeebr.media xəbər verir ki,dünən Bakunews.az xəbər portalının təsisçisi və jurnalist Mirkənan Seyidov, “Kontakt Home” mağazalar şəbəkəsinin fəaliyyətində rast gəldiyi qanunsuzluq və istehlakçı hüquqlarının kobud şəkildə pozulması ilə bağlı ciddi iddialar səsləndirib.
Onun şəxsi təcrübəsi bir daha sübut edir ki, bu ticarət şəbəkəsində vətəndaşlara qarşı sistemli şəkildə fırıldaq sxemi tətbiq olunur.
Seyidov övladına mobil telefon almaq məqsədilə Kontakt Home-un elektron platformasından istifadə edib və təqdim edilən “İndi al, iki ay sonra ödə” təklifindən yararlanmaq istədiyini bildirib. Mağaza əməkdaşı ilə telefon danışığında dəfələrlə "ödənişə apreldə başlayacağam, düzdür?" sualını verərək müsbət cavab aldığını deyən jurnalist, ilkin olaraq 100 manat ödəniş edərək fevral ayında telefonu əldə edib.
Lakin sonradan məlum olub ki, bu “güzəşt” şifahi şəkildə bildirilsə də, müqavilə sənədində qeyd olunmayıb. Yəni, sistemdə müştərinin ödənişə dərhal başlamalı olduğu göstərilib.
[quote]Bu, istehlakçının açıq-aşkar aldadılması deyilmi? Şifahi vədlər niyə müqavilədə əks olunmur? Vətəndaşa bildirilən şərtlər yazılı sənədlə niyə təsdiqlənmir?[/quote]
Mirkənan Seyidov müqaviləyə uyğun olaraq, aprel ayından başlayaraq ödənişlərini müntəzəm şəkildə həyata keçirdiyini bildirir – bəzən 5 gün əvvəl, bəzən 5 gün gec. Lakin 4-5 ay sonra üçüncü tərəf bir təşkilatdan (borc takibi ilə məşğul olan hüquqi qurumdan) zəng alaraq 35 gün gecikmiş borcu və əlavə faizləri ödəməli olduğu bildirilib.
Bu zaman məlum olub ki, sistemdə “iki ay sonra ödə” şərti nəzərə alınmayıb və müştəri müqavilə əsasında gecikmiş borclu şəxs kimi qeydə alınıb.
[quote]Əgər güzəşt şifahi şəkildə deyilibsə, Kontakt Home bu məlumatı sistemə niyə daxil etməyib? Müştəri müqavilədə olmayan gecikmə ilə necə məsuliyyət daşıya bilər? Bu mexanizm hüquqi boşluq adı ilə həyata keçirilən planlı fırıldaq deyilmi?[/quote]
Seyidov məsələ ilə bağlı *6060 qaynar xəttinə zəng etdikdə isə tamamilə məntiqsiz cavab alıb. Ona bildirilib ki, əgər fevral ayında onunla əlaqə saxlayan əməkdaşın zəng etdiyi nömrəni təqdim etməsə, heç bir kömək göstərilə bilməz.
[quote]Bəs bu zənglərin sistemdə qeydi yoxdurmu? Əgər şirkətin müştəri xidmətləri belə elementar məlumatları tapa bilmirsə, bu qurum necə “müasir texnologiyalı” və “etibarlı” brend ola bilər?[/quote]
Ən absurd olan məqam isə budur: jurnalistə təqdim olunan ilkin razılaşmaya əsasən kreditin aylıq ödənişi 114 manat olmalı idi. Lakin sonradan sistemdə bu məbləğ 189 manat kimi göstərilib və bu məbləğlə ödəniş tələb olunub.
[quote] Bu 65 manatlıq fərq hansı əsasla yaranıb? Şirkət özünün buraxdığı texniki və ya hüquqi səhvin əvəzini niyə müştəriyə yükləyir? Bu, fırıldaqçılıq deyilmi?[/quote]
Məlumdur ki, Ali Baş komandan İlham Əliyevin müvafiq göstərişindən sonra dövlət quluqçularının bizneslə məşğul olması qadağan edilmişdir. Elə bu səbəbdəndə "Kontakt Home" rəhbərliyinin rəsmi sənədlərində dəyişiklik edilmişdir. El dili ilə desək "Adı sənin, dadı mənim" misalı.
Deputat Elnur Allahverdiyev bu oyunlara göz yumur...?
M.Seyidovun bildirdiyinə görə, “Kontakt Home” mağazalar şəbəkəsinin sahibi həmdə vaxtı ilə “ABC Telekom” şirkətinə rəhbərlik edən Elnur Allahverdiyev olub. Uzun müddət bu şirkətə rəhbərlik edən şəxs isə hazırda Milli Məclisin deputatı olan Elnur Allahverdiyevdir. Onun rəhbərlik etdiyi dövrdə şirkətə dair çoxsaylı şikayətlər mətbuatda ən əsası isə tanınmış jurnalist Habil Vəliyevin rəhbərlik etdiyi media resursunda daha çox yer alıb. Vətəndaşlar burada “sələmçilik”, “gizli faizlərlə aldadılma”, “insan ləyaqətinin tapdanması” kimi hallardan dəfələrlə yazıblar.
M.Seyidovun sözlərinə görə, məsələ ilə bağlı deputatla əlaqə saxladıqda o, “Mən o şirkətdə işləmirəm, ora Həsən İsrafilov rəhbərlik edir” cavabını verib.
[quote]Əgər bu şirkətin əsas qurucusu və uzun müddət rəhbəri olmuş deputat məsuliyyətdən yayınırsa, deməli burada həm hüquqi, həm də siyasi məsuliyyətlərdən boyun qaçırılır. Heç kəsə sirr olmayan məqam isə heç kimin öz şirkətini tərk edərək vəzifə daşıdığı üçün milyonluq gəlir gətirən şirkətini pay verməsinə inanmağımızı gözləməsin. Çünki reallıq bu şirkətin Həsən İsrafilov tərəfindən idarə edilməsinə şəki-şübhə ilə yanaşmadan idarəçilik və problemlərin həlində eyni mexanizmin işləməsinə toxunuruq. Elnur Allahverdiyev rəhbərliyi rəsmi sənbədlərdə göstərilməsədə Həsən İsrafilovun qeyri rəsmi rəhbəri olduğu cəmiyyətə məlumdur. Elə bu səbəbdəndə Elnur Allahverdiyevdən tələb edirik ki, müştərilərin bu cür aldadılması əlavə faizlərin ödənilməsi tələblərinin təyin etdiyi Həsən İsrafilovdan yığışdırılmasına göstəriş versin.
Güman edirik ki, jurnalistin bu müraciəti həm Kontakt hom rəhbərliyinin həmdə Dövlət qurumlarının diqqətinə çatırılacaqdır.
