3 il ərzində fəaliyyət göstərən Baku.tv Rəqəmsal Media Məktəbi maliyyə azlığı səbəbindən fəaliyyətini dayandırdı.
Bu barədə Baku Tv rəsmisi Azər Cabbarov öz rəsmi facebook hesabında bildirib.
1xeber.media xəbər verir ki,bu müddət ərzində yüzlərlə namizədlərin arasından vicdanla seçim edərək ən layiqlilərini qəbul edilib. Hər bir qrupda 4 ay ərzində müxtəlif təlimlər tədris edərək media mühitinə yeni, istedadlı simalar bəxş edildi.
“Qürurla deyə bilərəm ki, 100-dən artıq gənc Media Məktəbimizin məzunudur. Sevindirici haldır ki, onların çoxunun sorağı Baku.TV-dən, eləcə də ölkənin digər telekanallarından və media qurumlarından gəlir. Hər şeydən əvvəl tələbələrimə yaxşı jurnalist olmaqdan öncə yaxşı insan, vətəndaş olmağı öyrətməyə çalışdım. Ədalət prinsipini həmişə üstün tutmağı, başqasının bədbəxtliyi üzərində xoşbəxtlik qurmağın mümkün olmadığını aşıladım.”-deyə, Azər Cabbarov qeyd edib.
