Rusiya Aerokosmik Qüvvələrinin (VKS) Tu-160 uzaqmənzilli raketdaşıyan təyyarəsi Şimal Buzlu okean üzərində uçuş həyata keçirib.
1xeber.media xəbər verir ki, İtaliyanın “Il Giornale” qəzetində dərc olunan xəbərdə planlaşdırılan uçuş Moskvanın Arktikadakı təsirinin nümayişi ilə əlaqələndirilib.
Planlaşdırılan uçuş on bir saatdan çox davam etdi. “Bu əməliyyat Moskvanın dünyanın əsas hava dəhlizlərində daimi iştirakını saxlamaq qabiliyyətini nümayiş etdirir və Rusiyanın təhlükəsizlik və çəkindirmə strategiyasında uzaqmənzilli təyyarələrin əsas rolunu təsdiqləyir”, - hesabatda deyilir.
Məqalə müəllifi vurğulayır ki, Tu-160 Rusiyanın strateji aviasiyasında ən effektiv təyyarə olaraq qalır. Raket daşıyan təyyarənin uçuşu Rusiyanın ucqar bölgələrdə uzaqmənzilli təyyarələrdən istifadə etmək qabiliyyətini təsdiqləyir.
