Meksika Azərbaycana hərbi attaşe təyin edib.
1xeber.media xəbər verir ki, bu barədə Meksikanın Bakıdakı səfirliyi məlumat yayıb.
Bildirilib ki, sözügedən vəzifəyə Marko Ciovanni Leyva Kontreras təyinat alıb.
"Biz Hərbi Hava Qüvvələrinin polkovniki, Baş Qərargahın pilotu Marko Ciovanni Leyva Kontrerası iqamətgahı Ankarada yerləşən Meksikanın Azərbaycandakı hərbi attaşesi kimi salamlamaqdan məmnunuq. Bu təyinat Azərbaycan və Meksika arasındakı əlaqələri gücləndirəcək", - məlumatda qeyd olunub.
