Birləşmiş Ştatlar mövqelərini uyğunlaşdırmaq və sülh razılaşmasına nail olmaq üçün Rusiya və Ukraynanın münaqişənin həlli üçün hansı şərtləri qəbul etməyə hazır olduğunu müəyyən etmək istəyir.
1xeber.media xəbər verir ki, bu barədə ABŞ dövlət katibi Marko Rubio Associated Press agentliyinin yaydığı mətbuat konfransında bildirib.
"Bu, hamını sövdələşməyə məcbur etmək deyil, daha çox tərəflərin nə əldə etmək istədiklərini və nədən imtina etməyə hazır olduqlarını və bu [mövqelərin] uyğunlaşdığı situasiyanı necə yarada biləcəyimizi anlamaqdan gedir. Təbii ki, bu, çox vaxt və zəhmət tələb edəcək", - diplomat qeyd edib.
Rubio vurğulayıb ki, yaxınlaşma media və mətbuat konfransları ilə əldə edilə bilməz. O əlavə edib ki, “çətin məsələlərin həlli hələ də davam edir”.
Rubio daha əvvəl bəyan etmişdi ki, Ukraynadakı münaqişə yalnız diplomatiya yolu ilə həll oluna bilər və nizamlanma xeyli səy və vaxt tələb edir. O əlavə edib ki, Birləşmiş Ştatlar heç bir tərəfin təslim olmasını gözləmir.
