ABŞ Venesuela ilə bağlı Rusiya ilə münasibətlərin gərginləşməsindən qorxmur.
1xeber.media xəbər verir ki, bunu Associated Press agentliyinin yayımladığı mətbuat konfransında ABŞ dövlət katibi Marko Rubio deyib.
"Rusiya tərəfindən Venesuela ilə bağlı mümkün eskalasiyadan narahat deyilik. Biz həmişə onlardan Maduro rejiminə ritorik dəstək verəcəklərini gözləmişik", - deyən Rubio Rusiyanın hazırda bütün diqqətini Ukraynaya yönəltdiyini bildirib.
Rubio daha əvvəl bəyan etmişdi ki, ABŞ tərəfləri yaxınlaşdırmaq və sülh razılaşmasına nail olmaq üçün Rusiya və Ukraynanın nizamlanma üçün hansı şərtləri qəbul etməyə hazır olduğunu müəyyən etmək istəyir.
