Bakı Şəhər İcra Hakimiyyətinin tabeliyində fəaliyyət göstərən “Bakı Şəhər Əsaslı Tikinti və Təmir” MMC dövlət mənzil fonduna aid binaların təmiri ilə bağlı iri həcmli satınalma elan edib.
1xeber.media xəbər verir ki, satınalmanın ehtimal olunan qiyməti 23 986 064,32 AZN təşkil edir.
Layihə çərçivəsində Bakı şəhərinin Nərimanov, Səbail, Nizami, Binəqədi, Xəzər, Qaradağ və Pirallahı rayonlarının ərazisində yerləşən dövlət mənzil fonduna aid yaşayış binalarında təmir işlərinin aparılması nəzərdə tutulur.
Qeyd edək ki, Bakı Şəhər İcra Hakimiyyətinin başçısı Eldar Əzizovdur. Bakı Şəhər Əsaslı Tikinti və Təmir MMC-nin (BŞETT) rəhbəri Abit Əliyevdir.
32gun.az
