Hercules C-130 təyyarəsinin qəzaya uğraması nəticəsində ən azı 77 hərbçi xilas edilib.
1xeber.media xəbər verir ki, Kolumbiya prezidenti Qustavo Petro bu xəbəri sosial media səhifəsi X-də təsdiqləyib.
"İndiyə qədər 77 yaralı xəstəxanaya aparılıb. Bir ölüm hadisəsi qeydə alınıb", - Petro yazıb.
Onun sözlərinə görə, daha 43 nəfərin taleyi təsdiqini gözləyir.
Daha əvvəl Kolumbiyada 100-dən çox hərbçini daşıyan Lockheed Martin Hercules C-130 hərbi təyyarəsinin uçuş zamanı qəzaya uğradığı bildirilirdi. İlkin məlumatlara görə, təyyarədə 125 hərbçi olub. Hərbçilərin paytaxt Boqotaya qayıtmazdan əvvəl bölgədəki qoşun rotasiyasının bir hissəsi olaraq Puerto Asisə getdiyi bildirilir.
