1xeber.media xəbər verir ki, ABŞ İran ərazisində, o cümlədən adalarda quru əməliyyatı başlatsa, İran Bab əl-Məndəb boğazını bağlayacaq.
"Əgər düşmən İran adalarında və ya ərazimizin başqa bir yerində quru əməliyyatı aparmaq istəsə (...), biz sürpriz olaraq onlar üçün başqa cəbhələr açacağıq (...). Bab əl-Məndəb dünyanın strateji boğazlarından biri hesab olunur və İranın ona təhlükə yaratmaq iradəsi və imkanı var", - deyə mənbə vurğulayıb.
Agentliyin mənbəyinə görə, ABŞ Hörmüz boğazı məsələsini "axmaq hərəkətləri ilə" həll etmək istəyirsə, "başqa bir boğazı öz probleminə çevirməmək üçün" diqqətli olmalıdır.
20 martda Tramp administrasiyasının İranı Hörmüz boğazını yenidən açmağa məcbur etmək üçün İranın Xarq adasını ələ keçirmək və ya blokada etmək planını nəzərdən keçirdiyi bildirilib. Həmçinin belə bir əməliyyatın aparılması üçün daha çox qoşun lazım olacağı aydınlaşdırılıb, buna görə də bölgəyə üç dəniz qüvvəsi bölməsi göndərilir.
