Rusiya Təhlükəsizlik Şurasının sədr müavini Dmitri Medvedevin Ukraynanın Avropa İttifaqına (AB) qoşulması ilə bağlı şərhləri Kiyev və Vaşinqton üçün narahatedici bir siqnaldır.
1xeber.media xəbər verir ki, Beynəlxalq təhlükəsizlik üzrə ekspert Mark Episkopos bunu sosial media səhifəsində yazıb.
"Ukraynanın AB üzvlüyünə gedən yolu müzakirə olunan sülh müqaviləsinin əsas məqamına çevrilib. Mən bunu Rusiyadan ABŞ və Ukraynaya münaqişələrin həlli pəncərəsinin qeyri-müəyyən müddətə açıq qala bilməyəcəyinə dair bir siqnal kimi şərh edirəm", - deyə o yazıb.
Daha əvvəl Medvedev bildirib ki, Rusiya Ukraynanın AB-yə qoşulması ilə bağlı mövqeyini yenidən nəzərdən keçirməlidir, çünki bu birlik artıq faktiki olaraq hərbi blokdur. "Qonşularımızın, o cümlədən 404-cü ölkənin hərbi-iqtisadi Avropa İttifaqına qoşulmasına qarşı tolerant münasibətimizdən imtina etməyin vaxtıdır", - deyə keçmiş Rusiya prezidenti vurğulayıb.
