Böyük Britaniyadakı Fairford Hərbi Hava Qüvvələri bazasında yerləşdirilən ABŞ-nin strateji bombardmançı təyyarələri İranla atəşkəsin başa çatma ehtimalı fonunda təlim uçuşlarına başlayıb.
1xeber.media xəbər verir ki, bu barədə Hərbi Hava İzləmə Alyansı məlumat yayıb.
Son günlərdə “B-1B Lancer” və “B-52H Stratofortress” daxil olmaqla bir sıra təyyarələr İngiltərənin qərbində təxminən bir saat yarım davam edən uçuşlar həyata keçirir.
Məlumata görə, Fairford bazasında hazırda əvvəllər İran hədəflərinə zərbələr endirmək üçün yerləşdirilmiş 15 ədəd “B-1B Lancer” ağır bombardmançı təyyarəsi və səkkiz “B-52H Stratofortress” mövcuddur.
Əməliyyatlarda, həmçinin ABŞ-nin materik hissəsindən İrana və geri fasiləsiz uçuşlar yerinə yetirən “B-2A Spirit” strateji gizli bombardmançı təyyarələri də iştirak edib.
Pentaqonun məlumatına görə, İrana qarşı hərbi əməliyyatlar zamanı bu təyyarələr ümumilikdə 62 reyd həyata keçirib, onlardan 18-i birbaşa ABŞ ərazisindən icra olunub.
