Ural bölgələri Ukrayna Silahlı Qüvvələrinin (USQ) dron hücumlarına qarşı həssas hala gəlib.
1xeber.media xəbər verir ki, bu barədə Rusiya Prezidentinin Ural Federal Dairəsindəki səlahiyyətli nümayəndəsi Artem Joqa özünün Telegram kanalında bildirib.
"Düşmən döyüş meydanında uğur qazana bilmir, ona görə də yalnız mülki hədəflərə qarşı qorxaqcasına hücumlar həyata keçirə bilər. Ural artıq hədəflər arasındadır, ona görə də ayıq olun", - deyə o xəbərdarlıq edib.
25 aprel tarixində Ukrayna Silahlı Qüvvələrinin PUA-ları Yekaterinburq səmasında peyda olub. Bir dron çoxmərtəbəli yaşayış binasına çırpılıb, altı nəfər yaralanıb, bir qadın isə xəstəxanaya yerləşdirilib.
Çelyabinsk üzərində də PUA-lar müşahidə edilib. Hava hücumundan müdafiə sistemləri infrastruktur obyektlərindən birinə edilən hücumu dəf edib.
