Futzal üzrə Estoniya çempionatında çıxış edən “Qarabağ Tallin” mövsümü uğurlu nəticə ilə başa vurub.
1xeber.media xəbər verir ki, komanda üçüncü yer uğrunda keçirilən oyunda “Saku Sportinq”i böyük hesabla məğlub edib.
Rəqibi üzərində 8:0 hesablı parlaq qələbə qazanan kollektiv bununla da çempionatın bürünc medallarına sahib çıxıb.
Qeyd edək ki, komandaya dəstək Diasporla İş üzrə Dövlət Komitəsi, həmçinin Estoniyada yaşayan iş adamları tərəfindən göstərilir.
