Bu gün ABŞ və İran arasında çərçivə sazişinin bir səhifəlik mətni ictimaiyyətə açıqlana bilər.
1xeber.media xəbər verir ki, bu barədə “Axios” portalının jurnalisti Barak Ravid öz mənbələrinə istinadən məlumat verib.
“Mənbənin sözlərinə görə, danışıqlar yaxşı gedir və vasitəçilər ümid edirlər ki, bu gün bir səhifəlik çərçivə sazişi üzərində işi tamamlayıb onu elan edəcəklər. Daha sonra isə vasitəçilər bir neçə gün ərzində detallı saziş üzrə danışıqlara başlamaq istəyirlər”, — deyə o bildirib.
Qeyd edək ki, ötən gün ABŞ Prezidenti Donald Tramp İranla sazişin böyük ölçüdə razılaşdırıldığını açıqlayıb.
