ABŞ prezidenti Donald Tramp 2025-ci ilin fevral ayında Ağ Evdə jurnalistlər Meqqi Haberman və Conatan Svanın "Rejim Dəyişikliyi: Donald Trampın İmperial Prezidentliyinin İçində" kitabı üçün Ukrayna prezidenti Volodimir Zelenski ilə baş verən mübahisəni xatırladı.
1xeber.media xəbər verir ki, Kitabdan parçalar The New York Times (NYT) tərəfindən dərc edilib.
ABŞ prezidenti hadisəni "əla televiziya serialı" adlandırdı. O, həmçinin Zelenski ilə mübahisəni "Şagird" televiziya şousu ilə müqayisə edərək, bunun daha yaxşı olduğunu izah etdi.
Kitabda Trampın ikinci müddətinin ilk 14 ayı, o cümlədən prezidentin siyasətinin şou-bizneslə necə qarışdığı təsvir olunur. Müəlliflər iddia edirlər ki, bu dövrdə Trampların xalis sərvəti 1 milyard dollardan çox artıb.
Donlad Tramp əvvəllər Kiyevin 2025-ci ilin fevral ayında Ağ Evdə Ukrayna prezidenti ilə mübahisəsini xatırladaraq sülh razılaşmasına gəlməli olduğunu bildirmişdi. “Mən [Zelenskiyə] dedim ki, sənin heç bir kartın yoxdur. Məhz o zaman razılığa gəlməli idik. O vaxt bunun üçün daha çox imkan var idi”, - deyə o bildirib.
