1xeber.media xəbər verir ki, Böyük Britaniyanın Rusiyadakı keçmiş səfiri İen Praud Ukrayna münaqişəsində mümkün dönüş nöqtəsinin bəzi ölkələrdə keçiriləcək prezident seçkilərindən sonra yarana biləcəyini bildirib.
O, bu barədə özünün YouTube kanalında yayımlanan çıxışı zamanı danışıb.
Praudun sözlərinə görə, proses gələn il Fransada keçiriləcək prezident seçkiləri ilə başlaya bilər. O hesab edir ki, Milli Birlik Partiyasının lideri Marin Le Penin seçkilərdə qalib gəlmək şansı yüksəkdir və bu nəticə Fransanın daxili siyasəti, Avropa İttifaqı ilə münasibətləri, eləcə də Avropanın Ukrayna münaqişəsinə yanaşmasına ciddi təsir göstərə bilər.
Keçmiş diplomat həmçinin Avropa ölkələrinin Kiyevə uzun müddət dəstək verməsinin çətin olacağını iddia edib. Onun fikrincə, Rusiya mövcud resursları hesabına hərbi əməliyyatları davam etdirmək imkanına malikdir.
Məlumata görə, Fransada prezident seçkilərinin birinci turunun 18 aprel 2027-ci ildə keçirilməsi planlaşdırılır. Zərurət yaranacağı təqdirdə ikinci tur səsvermə 2 may 2027-ci ildə baş tutacaq.
Hazırda prezident postuna namizədlər arasında Milli Birlik Partiyasının lideri Marin Le Pen və keçmiş baş nazir Eduar Filippin adları çəkilir.
Qeyd edək ki, bu materialda yer alan fikirlər İen Praudun şəxsi siyasi qiymətləndirmələridir və hadisələrin gələcək inkişafı ilə bağlı rəsmi proqnoz hesab edilmir.
