ABŞ Şimali Koreyanın son raket buraxılışlarının ölkə ərazisi və bölgədəki Amerika hərbi kontingenti üçün birbaşa təhlükə yaratmadığını açıqlayıb.
1xeber.media xəbər verir ki, bu barədə ABŞ Silahlı Qüvvələrinin Sakit Okean Komandanlığı (USPACOM) məlumat yayıb.
Komandanlığın açıqlamasında bildirilib ki, ABŞ Şimali Koreyanın raket buraxılışlarından xəbərdardır və vəziyyətlə bağlı müttəfiqlər və tərəfdaşlarla sıx məsləhətləşmələr aparır.
Hazırkı qiymətləndirmələrə əsasən, buraxılışlar ABŞ hərbçiləri, ABŞ ərazisi və ölkənin müttəfiqləri üçün birbaşa təhlükə yaratmır.
Daha əvvəl Şimali Koreya hərbçilərinin Pxenyan ətrafından Yapon dənizi istiqamətində təxminən 10 qısa mənzilli ballistik raket buraxdığı bildirilmişdi.
Cənubi Koreya, ABŞ və Yaponiya Şimali Koreyanın raket fəaliyyəti ilə bağlı məlumat mübadiləsini davam etdirir. ABŞ tərəfi isə əlavə buraxılış ehtimalına qarşı hazırlıq vəziyyətini qoruduğunu bildirib.
