Sərnişinlə dolu avtobus qapısı açıq şəkildə hərəkət edir.
1xeber.media xəbər verir ki, görüntüləri vətəndaşlardan biri çəkərək "Xəzər TV"nin vatsap qaynar xəttinə göndərib.
İddialara görə, Binəqədi qəsəbəsindən "Azadlıq" metrostansiyası istiqamətində hərəkət edən 100 nömrəli müntəzəm marşrut avtobusu qapıları açıq və sərnişinlərlə dolu halda hərəkət edib.
Şikayətçi bunu iddia etsə də, sərnişinlərin bəziləri bu halla rastlaşmadıqlarını deyirlər.
Məsələ ilə bağlı daşıyıcı şirkətlə əlaqə saxladıq. Bildirildi ki, məsələdən məlumatlıdırlar. Sərnişinlərə xidmət zamanı avtobusun qapısında texniki nasazlıq yaranıb. Bir müddət sonra sürücü bu barədə qaraja məlumat verib və dərhal avtobus xətdən kənarlaşdırılıb. O da bildirildi ki, mütəmadi olaraq daşayıcı şirkət sürücülərə avtobusları qapısı açıq idarə etməməklə bağlı göstəriş verir. Bu qaydalara əməl etməyən sürücülər barəsində qanunamüvafiq addımlar atılır.
