1xeber.media xəbər verir ki, Rusiya səfiri Oleq Stepanov Kanadanın keçmiş “Qalisiya” SS diviziyasının üzvü Yaroslav Hunko ilə bağlı Rusiyanın ekstradisiya tələbindən iki dəfə imtina etdiyini bildirib.
Səfirin sözlərinə görə, Kanada Hunko barəsində öz araşdırmasını da aparmır. Stepanov bu barədə sentyabrın 19-da RİA Novosti-yə açıqlamasında danışıb.
Diplomat bildirib ki, Hunko işi üzrə hər hansı irəliləyiş yoxdur. O, Kanada hakimiyyətini məsələni araşdırmamaqda tənqid edib və vəziyyətin nasizmlə mübarizə aparmış kanadalı veteranların xatirəsinə hörmətsizlik olduğunu iddia edib.
Hunko 2023-cü ildə Kanada parlamentində Ukrayna Prezidenti Vladimir Zelenskinin iştirakı ilə keçirilən tədbir zamanı alqışlanmasından sonra beynəlxalq diqqətə düşmüşdü. Daha sonra onun İkinci Dünya müharibəsi illərində “Qalisiya” diviziyasında xidmət etdiyi məlum olmuşdu.
