1xeber.media xəbər verir ki, Nigeriyada ordu qüvvələrinin keçirdiyi əməliyyatlar zamanı 60-dan çox girov saxlanıldığı yerdən qaçaraq azad olub.
Məlumata görə, hadisə sentyabrın 18-dən 24-dək ölkənin müxtəlif bölgələrində aparılan təhlükəsizlik əməliyyatları zamanı baş verib. Hərbçilər Kebbi ştatının Bazama şəhəri yaxınlığında çox sayda girovun daşındığını müəyyənləşdiriblər.
Qoşunların müdaxiləsindən sonra silahlı şəxslər girovları ataraq ərazidən uzaqlaşıblar. Nəticədə 60-dan çox insan azadlığa çıxıb.
Əməliyyatlar zamanı 20 şübhəli silahlı şəxs könüllü şəkildə təslim olub, daha 44 nəfər isə saxlanılıb. Nigeriya ordusu həmçinin ölkənin Niger Delta bölgəsində təxminən 182 min litr oğurlanmış xam neft aşkarlandığını bildirib.
