Əmək və Əhalinin Sosial Müdafiəsi Nazirliyində Asiya İnkişaf Bankının (AİB) ekspertləri ilə görüş olub.
1xeber.media xəbər verir ki, “Keyfiyyətli iş yerləri və əmək sferasının gələcəyi” layihəsi çərçivəsində keçirilən görüşdə Nazirliyin Əmək siyasəti şöbəsinin müdiri Fuad Heydərov ölkəmizin Beynəlxalq Əmək Təşkilatının (BƏT) 60 Konvensiyası və 1 Protokoluna qoşulduğunu qeyd edib. O, əmək qanunvericiliyinin bu Konvensiyalar əsasında təkmilləşdirilməsi istiqamətində əldə olunan irəliləyişləri diqqətə çatdırıb.
AİB-in əmək bazarı üzrə eksperti Karlos Alberto əmək münasibətləri sahəsində aparılan islahatlar prosesində BƏT standartlarına istinad edilməsinin önəmini vurğulayıb. Görüşdə əməyin mühafizəsi və təhlükəsizliyini tənzimləyən hüquqi, institusional çərçivənin, milli əməyin mühafizəsi və təhlükəsizliyi sisteminin əsas üstünlüklərindən bəhs olunub.
Bu mövzuda, habelə Vahid Tarif-İxtisas Sorğu Kitabçalarının İSCO-08 ilə uyğunlaşdırılması məsələsinə dair müzakirə aparılıb.
