1xeber.media xəbər verir ki, süni intellekt sektorundakı qeyri-sabitlik və ABŞ dövlət istiqrazlarının gəlirliliyinin azalması beynəlxalq valyuta bazarına təsir göstərib. Nəticədə dolların son həftələrdəki möhkəmlənməsi zəifləyib, avro isə əvvəlki itkilərinin bir hissəsini bərpa edib.
“Reuters”in oktyabrın 16-da yaydığı məlumata əsasən, dollar indeksinin həftəlik göstəricisi 0,14 faiz aşağı düşüb. Avronun məzənnəsi isə 1,1210 dollar səviyyəsində olub.
Bazar iştirakçıları süni intellekt sahəsinə böyük həcmdə investisiyaların gəlirliliyi ilə bağlı sualları və ABŞ iqtisadiyyatının bu sektordan asılılığını diqqətlə izləyirlər. İnvestorların daha təhlükəsiz aktivlərə yönəlməsi də valyuta bazarındakı dəyişikliklərə təsir edən amillərdən biri kimi göstərilir.
Analitiklər süni intellekt sahəsindəki qeyri-müəyyənliyin davam etməsinin dolların mövqeyinə əlavə təsir göstərə biləcəyini bildirirlər.
