Əmək və Əhalinin Sosial Müdafiəsi Nazirliyinin tabeliyində fəaliyyət göstərən Sosial Xidmətlər Agentliyi hazır yeməyin satın alınması ilə bağlı tender müsabiqəsi elan edib.
1xeber.media xəbər verir ki, Agentlik müxtəlif sosial xidmət müəssisələri və reabilitasiya mərkəzləri üçün ümumilikdə 1 milyon 177 min 110 ədəd hazır yemək alacaq.
Qeyd edək ki, tender müsabiqəsinin ehtimal olunan qiyməti 13 milyon 565 min 453 manat 13 qəpik təşkil edir.
Bu isə o deməkdir ki, Sosial Xidmətlər Agentliyi bir ədəd hazır yeməyin alınması üçün 11,5 manat xərcləməyi nəzərdə tutub.
Məlumat üçün bildirək ki, Sosial Xidmətlər Agentliyinin bu ilin əvvəlində keçirdiyi analoji müsaqibənin də qalibi Ziyafət Fərzəliyev olub. Ziyafət Fərzəliyev Agentliyə 9 milyon 179 min 336 manat 82 qəpik dəyərində 899 min 360 ədəd hazır yemək satacaq. Açıqlanan məlumatlardan da göründüyü kimi, bu ilin əvvəlində Sosial Xidmətlər Agentliyi bir ədəd hazır yeməyin alınması üçün 10,2 manat xərcləyib.
