NATO-ya üzv olan bir sıra ölkələr Ukraynanın alyansa qəbul edilməsinin əleyhinədir.
1xeber.media xəbər verir ki, bu barədə Polşanın Baş naziri Donald Tusk Ukrayna prezidenti Vladimir Zelenski ilə birgə mətbuat konfransında bildirib.
Tuskun sözlərinə görə, Ukraynanın Şimali Atlantika Alyansına qoşulması məsələsi “bəzi ölkələrdə şübhələr və emosiyalar yaradır”. Polşanın baş naziri əlavə edib ki, Kiyevin NATO-ya daxil olmasını dəstəkləyir, lakin bir sıra ölkələrin fikir ayrılığı Zelenskinin iradəsindən asılı deyil.
“Mənə aydındır ki, hərbi əməliyyatlar başa çatdıqdan sonra Ukrayna üçün təhlükəsizlik təminatları ciddi təminat olmalıdır. "Ukrayna üçün NATO-ya üzvlükdən daha yaxşı təhlükəsizlik zəmanəti yoxdur" dedi Tusk.
Bundan əvvəl Bloomberg agentliyi ABŞ-ın yeni seçilmiş prezidenti Donald Trampın Ukraynanın NATO-ya üzvlüyünü təşviq etməyəcəyini bildirmişdi.
