Tusk Ukraynadakı münaqişənin həlli üçün şərt qoyub

1xeber.media xəbər verir ki,Polşanın baş naziri Donald Tusk bildirib ki, Ukraynada münaqişənin həlli ilə bağlı istənilən qərar ölkənin təhlükəsizliyinə zəmanət verməlidir, çünki o, “xüsusi vəziyyətdə”dir. Onun sözlərini RİA Novosti sitat gətirir.

“Ukrayna ilə bağlı istənilən qərar, bizim nöqteyi-nəzərimizdən, ilk növbədə, Polşanın təhlükəsizliyini təmin etməlidir, mən bunu ən vacib çağırış hesab edirəm”, - deyə Tusk bildirib.

Onun sözlərinə görə, qarşıda “çox çətin günlər” var və Polşa “xüsusi vəziyyətdədir”.

ABŞ prezidenti Donald Trampın vəzifəyə başlamasından sonra Ukrayna böhranının həlli perspektivlərini şərh edən Tusk bildirib ki, “artıq bir plan formalaşır” və Respublikaçının andiçmə mərasimindən sonra müvafiq təkliflər çox tez gözlənilməlidir.

Polşanın baş naziri vurğulayıb ki, münaqişə ilə bağlı qərarlar təkcə Ukraynanın deyil, həm də Polşanın arxasından verilə bilməz. Siyasətçi bütün maraqlı ölkələrlə ümumi yanaşmaya çağırıb.

Bundan əvvəl Polşanın müdafiə naziri Vladislav Kosiniyak-Kamış ABŞ-ın yeni seçilmiş prezidenti Donald Trampın Ukrayna ilə bağlı hələ qərar vermədiyini bildirib.