1xeber.media xəbər verir ki, Türkiyənin energetika naziri Alparslan Bayraktar çərşənbə günü bildirib ki, "Türk axını" infrastruktur obyektlərindən birinə hücum cəhdləri qeydə alınıb.
“Bayraktar hücumun baş verdiyini təsdiqləyib, lakin əmin edib ki, hadisə qaz təchizatında fasilələrə səbəb olmayıb”, - nəşr yazır.
"Hücumdan sonra qazın verilişində heç bir fasilə yaranmayıb. Qaz kəməri eyni həcmdə qazın verilməsini davam etdirir", - nazir bildirib.
Bazar ertəsi Rusiya Müdafiə Nazirliyi bildirib ki, şənbə günü, yanvarın 11-də Ukrayna “Türk axını” ilə qaz tədarük edən Krasnodar diyarında “Russkaya” kompressor stansiyasına hücum etmək üçün pilotsuz təyyarələrdən istifadə etməyə cəhd edib. Hərbi idarədən bildiriblər ki, doqquz Ukrayna pilotsuz təyyarəsinin hamısı vurulub, itki və dağıntı yoxdur.
