Azərbaycan Prezidenti İlham Əliyev və Ermənistan Baş naziri Nikol Paşinyan yanvarın 20-də İsveçrənin Davos şəhərində işə başlayacaq “Dünya İqtisadi Forumu – 2025”də iştirak edəcək.
1xeber.media xəbər verir ki, bu barədə Ermənistan mediası konfransın saytına istinadla məlumat yayıb.
Ermənistan KİV forum çərçivəsində iki liderin Davosda görüşünün mümkünlüyünə eyham vurub. Lakin bu barədə rəsmi qurumlardan məlumat əldə etməyin mümkün olmadığını yazıb.
Bununla yanaşı, iki ölkənin rəsmiləri liderlərin iclasa qatılacağını hələlik təsdiqləməyiblər.
Qeyd edək ki, forumda 130 ölkədən 3 minə yaxın nümayəndə və 350 dövlət xadimi, o cümlədən 60 dövlət və hökumət başçısı iştirak edəcək.
Forumda həmçinin Avropa Komissiyasının Prezidenti Ursula Fon der Lyayen, Almaniya kansleri Olaf Şolts, İsrail Prezidenti İsaak Hersoq, Polşa Prezidenti Andjey Duda, Ukrayna Prezidenti Volodemir Zelenski və digərlərinin iştirakı nəzərdə tutulur.
