Yaponiyanın baş naziri Siqeru İsiba ona çoxlu düyü verildiyi iddiası ilə qalmaqala qarışan ölkənin Kənd Təsərrüfatı Nazirliyinin rəhbəri Taku Etonu vəzifəsindən uzaqlaşdırıb.
1xeber.media xəbər verir ki, bu barədə Yaponiya mediası yazıb.
Məqalədə deyilir: “Baş nazir Siqeru İsiba kənd təsərrüfatı naziri Taku Etonu işdən çıxarmaq qərarına gəlib".
Qeyd edilir ki, son işdən çıxarılma İsiba hökuməti dövründə ilk belə hal olacaq və parlamentin yuxarı palatasına yayda keçiriləcək seçkilərə mənfi təsir göstərə bilər.
Xatırladaq ki, bundan əvvəl Yaponiyanın kənd təsərrüfatı naziri Taku Eto demişdi ki, o, heç vaxt düyü almır, çünki onu hədiyyə edirlər. Bəyanat məhsulun kəskin qiymət artımı fonunda ictimaiyyətin qəzəbinə səbəb olub.
