1xeber.media xəbər verir ki, İsrail Müdafiə Qüvvələrinin (IDF) sözçüsü Efi Defrin cümə axşamı keçirdiyi brifinqdə bildirib ki, İsrail ordusu Qəzza şəhərinin təxminən 40%-nə nəzarəti ələ keçirib.
Onun sözlərinə görə, İsrail qüvvələri Qəzza şəhərinin təxminən 40%-ni nəzarətdə saxlayır. "Bu həftə biz ehtiyatda olan hərbçiləri çağırmağa başladıq ki, bu da bizim imkanlarımızı xeyli artırır", - İDF sözçüsü bildirib.
Sözçü deyib ki, davam edən əməliyyat çərçivəsində İDF bölmələri Qəzza şəhərinin ərazilərində, xüsusilə Zeytun məhəlləsində və Şeyx Radvan məhəlləsinin kənarında döyüş əməliyyatları və manevrlər həyata keçirir.
Hazırda İsrail Qəzza şəhəri üzərində nəzarəti bərqərar etmək üçün əməliyyat keçirməyə hazırlaşır və ölkədə ehtiyat qüvvələrinin səfərbərliyi elan edilib. Bu planların təsdiqi avqustun 8-də İsrailin baş naziri Binyamin Netanyahunun ofisi tərəfindən açıqlanıb. Bu planlar həm İsrail daxilində, həm də xaricdə tənqidlərə səbəb olub.
7 oktyabr 2023-cü ildə Həmas İsrailə hücum etdi. İsrail ordusu Qəzza zolağında HƏMAS-a qarşı əməliyyata başlayıb. İsrail ordusu hazırda zolağın təxminən 75%-nə nəzarət edir.
