Bakıda binalardan mənzil almaq bir çox ailə üçün getdikcə daha da çətinləşir. Qiymətlər elə həddə çatıb ki, bəzi alıcılar artıq paytaxt daxilində kiçik mənzil almaqdansa, Bakıətrafı ərazilərdə fərdi yaşayış evlərinə yönəlirlər. Son dövrlər həm söküntülərin genişlənməsi, həm də yeni tikililərdə qiymətlərin kəskin artması bu seçimi daha da aktuallaşdırıb. Nəticədə, Bakıətrafı qəsəbə və yaşayış məntəqələrində fərdi evlərə maraq artıb, bu da qiymətlərə birbaşa təsir göstərib.
1xeber.media xəbər verir ki, bazar iştirakçıları deyirlər ki, alıcı üçün indi əsas meyarlardan biri də sənədləşmədir. Xüsusən çıxarışlı və ipotekaya yararlı fərdi evlər daha tez satılır. Mütəxəssislərin fikrincə, əvvəllər daha çox mənzil bazarına üz tutan vətəndaşların bir hissəsi indi aylıq ödəniş baxımından özünə daha uyğun variantı Bakıətrafında axtarır. Bu da fərdi ev bazarında həm tələb, həm də rəqabəti artırır.
Ekspert hesab edir ki, mövcud tendensiya yaxın aylarda da davam edəcək.
Onun sözlərinə görə, avqustun sonunadək fərdi yaşayış evlərinin qiymətlərində orta hesabla 20-25 faizədək artım müşahidə oluna bilər.
Xezerxeber.az mövzu ilə bağlı daha ətraflı videomaterialı təqdim edir.
