NATO-nun baş katibi Mark Rutte bildirib ki, Şimali Atlantika Alyansı da daxil olmaqla Avropanın müdafiə təşkilatları ABŞ olmadan fəaliyyət göstərə bilməz.
1xeber.media xəbər verir ki, onun sözlərini Reuters agentliyi yayıb.
“NATO, hər hansı digər ad altında hər hansı bir təşkilat kimi, Birləşmiş Ştatlar olmadan, bir çox səbəblərə görə işləməyəcək”, - baş katib bildirib.
O, NATO-nun “ABŞ olmadan mövcud ola biləcəyi” ehtimalını səhv adlandırıb. Rutte həmçinin ABŞ və Kanada arasındakı gərginliyin NATO-ya və alyansın müdafiə qabiliyyətinə təsir etməyəcəyinə "tam əminliyini" ifadə edib.
Bundan əvvəl NATO-nun baş katibi məlumat vermişdi ki, blokun Ukrayna münaqişəsinin nizamlanması üzrə danışıqlarda Rusiya prezidenti Vladimir Putindən gizli saxlanılan gizli taktikası var.
