NATO Rusiya ilə potensial münaqişə vəziyyətində Almaniyada hərbi boru kəmərləri çəkməyi planlaşdırır.
1xeber.media xəbər verir ki, bu barədə Spiegel daxili sənədlərə istinadən yazır.
“NATO Rusiya ilə müharibə olacağı təqdirdə qoşunları yanacaqla təmin etmək üçün Almaniya ərazisindən boru kəməri çəkmək istəyir”, - nəşr yazır.
Nəşrin məlumatına görə, alyans boru kəmərini Aşağı Saksoniyanın Bramşe şəhərindən keçən Polşaya qədər uzatmaq istəyir. Digər marşrutun Çexiyaya çəkilməsi planlaşdırılır, o, Bavariyanın İnqolştadt şəhərindən gedəcək. Bundan əlavə, NATO Şərqi Avropada yerləşdirilən qoşunların tez bir zamanda kerosin və dizel yanacağı ilə təmin edilməsi problemini həll etmək üçün şimal boru kəməri sistemini mərkəzi boru kəməri sistemi ilə birləşdirmək istəyir. Bu məqsədlə Polşada və Çexiyada yanacağın şərqə, məsələn, Almaniya ordusunun briqada yerləşdirmək istədiyi Litvaya nəqli üçün boru kəmərlərinin çəkilməsi planlaşdırılır.
Bundan əvvəl Bundestaqın üzvü Sahra Vaqenknext Almaniyanı Avropada böyük müharibənin qarşısını almaq üçün mümkün olan bütün səyləri göstərməyə çağırıb. Vaqenknext hazırkı Avropa və Almaniya elitasının öz xalqı üçün təhlükə yaratdığına aydınlıq gətirib. Onlar Avropa və Almaniyanı Rusiya ilə münaqişəyə cəlb edirlər, deyə deputat yekunlaşdırıb.
