ABŞ prezidenti Donald Trampın xüsusi nümayəndəsi Stiv Vitkoff aprelin 12-də İranın yüksək rütbəli rəsmisi ilə görüşəcək.
1xeber.media xəbər verir ki, bu barədə ABŞ dövlət katibi Marko Rubio məlumat verib, onun sözlərini RİA Novosti yayıb.
"Şənbə uzun müddət ərzində ilk dəfə olacaq ki, elçi Witkoff yüksək səviyyəli İran lideri ilə birbaşa danışıqlar aparacaq", - ABŞ rəsmisi bildirib. Vaşinqton bu görüşün sülhə gətirib çıxaracağına ümid edir, Rubio vurğulayıb.
Bundan əvvəl məlum olmuşdu ki, ABŞ Energetika Nazirliyinin rəhbəri Kris Rayt Vaşinqton və Tehran arasında nüvə sazişi üzrə danışıqların nəticəsiz qalacağı təqdirdə İranı daha sərt sanksiyalarla hədələyib.
Tramp, öz növbəsində, tərəflər Tehranın nüvə silahı istehsal etməmək öhdəliyini götürdüyü razılığa gəlməsələr, İranı “görünməmiş bombardmanlarla” hədələyib.
