İsrail Bankının keçmiş rəhbəri və ən böyük iqtisadçılardan biri Stenli Fişer ABŞ-da 81 yaşında vəfat edib.
1xeber.media xəbər verir ki, bu barədə iyunun 1-də “The New York Times” məlumat yayıb.
Məqalədə deyilir: "Stenli Fişer şənbə günü Massaçusets ştatının Leksinqton şəhərindəki evində vəfat edib. Onun 81 yaşı var idi".
Oğlu Mayklın sözlərinə görə, ölümün səbəbi Alzheimer xəstəliyinin ağırlaşması olub.
Fişer 2005-2013-cü illərdə İsrail Bankının rəhbəri vəzifəsində çalışıb. O, həmçinin 2014-2017-ci illərdə Federal Ehtiyat Sisteminin Rəhbərlər Şurasının sədr müavini və Beynəlxalq Valyuta Fondunun ikinci ən yüksək vəzifəli şəxsi olub. Bundan əlavə, o, bütöv bir iqtisadçı və siyasətçi nəslinin formalaşmasında rol oynayıb.
