Rusiya və Ukrayna prezidentləri Vladimir Putin və Vladimir Zelenski arasında görüşə hazırlıq Kiyev nümayəndə heyətinin İstanbuldakı danışıqlarında prioritet məsələdir.
1xeber.media xəbər verir ki, bu barədə Ukrayna lideri bildirib.
“Kiyev nümayəndələrinin] prioriteti Rusiya və Ukrayna liderlərinin görüşünə hazırlaşmaqdır və nümayəndə heyətimiz bunun üçün lazımi gücə malikdir”, - deyə Zelenski vurğulayıb.
Ukrayna prezidenti Rusiya ilə Ukrayna arasında yeni hərbi əsir mübadiləsinin hazırlanmasından da danışıb. O qeyd edib ki, Kiyev “hər bir adı yoxlayır”. Onun sözlərinə görə, itkin düşmüş ukraynalı əsgərlər dəfələrlə əsirlikdə tapılıb.
Bundan əvvəl Putinlə Zelenski arasında görüşə hazırlıqla bağlı açıqlamanı Rusiya prezidentinin mətbuat katibi Dmitri Peskov verib. O, qeyd edib ki, çoxlu ilkin iş aparılmadan onu planlaşdırmaq yersizdir.
