"İstəklilər koalisiyası"nda iştirak edən təqribən 26 ölkə Ukrayna ərazisinə hərbi kontingent göndərməyə hazır olduğunu bildirib".
1xeber.media "İzvestiya" nəşrinə istinadla xəbər verir ki, bunu Fransa Prezidenti Emmanuel Makron koalisiyanın Parisdə keçirilən iclasının yekunlarına dair mətbuat konfransında deyib."Həqiqətən də hazırda 26 ölkə var ki, onlar rəsmən öhdəlik götürüblər. Bir neçə başqa ölkə hələ öz mövqelərini yumşaldır, lakin 26 ölkə Ukraynada qoşun yerləşdirmək öhdəliyi götürüb", - deyə o qeyd edib.
Qeyd olunur ki, bu tədbirlər Ukrayna tərəfi üçün təhlükəsizlik zəmanətləri kimi nəzərdə tutulub. Fransa prezidentinin sözlərinə görə, sülhməramlı qüvvələr "quru, dəniz və hava" əməliyyatlarında iştirak edəcəklər.
Fransa lideri vurğulayıb ki, koalisiya tezliklə bu təşəbbüsdə iştirak etmək üçün ABŞ-nin töhfəsi barədə razılığa gəlməyə ümid edir.
Makron əlavə edib ki, Rusiya Ukrayna ilə bağlı danışıqlardan imtina edərsə, tərəflər cavab olaraq əlavə sanksiyalar tətbiq edəcəklər.
