Misirli siyasətçi, misirşünaslıq professoru Xalid Əl-Anani UNESCO-nun (BMT-nin Təhsil, Elm və Mədəniyyət üzrə ixtisaslaşmış qurumu) baş direktoru vəzifəsinə namizəd kimi irəli sürülüb.
1xeber.media xəbər verir ki, Təşkilatın İcraiyyə Şurası oktyabrın 6-da qərarı açıqlayıb.
"Səsvermədən sonra YUNESKO-nun İcraiyyə Şurasının üzvləri təşkilatın baş direktoru vəzifəsinə Xalid Əl-Ananinin (Misir) namizədliyini irəli sürüblər", - kommünikedə deyilir.
Onun namizədliyinin bütün üzv dövlətlərin səs verəcəyi noyabrın 6-da keçiriləcək YUNESKO-nun Baş Konfransında nəhayət təsdiqlənəcəyi gözlənilir.
