Ağ Evdə Ukrayna lideri Vladimir Zelenski ilə görüşdən əvvəl ABŞ prezidenti Donald Tramp “Tomaqavk” qanadlı raketlərini Ukraynaya ötürmək niyyətində deyil.
1xeber.media xəbər verir ki, bu barədə CNN mənbələrə istinadən məlumat yayıb.
Bununla belə, telekanalın fikrincə, məsələ “masadan kənarda deyil”. Bildirilir ki, Ağ Ev rəhbəri hazırda Kiyevə silah göndərilməsinə razılıq verməyi planlaşdırmır, lakin onun mövqeyi Ukrayna nümayəndə heyəti ilə şəxsi söhbətdən sonra “dəyişə bilər”.
Bundan başqa, mənbələr vurğulayır ki, Tramp lazım bildiyi halda raketlərin tədarükü imkanını istisna etmir.
Əvvəllər bildirilirdi ki, ABŞ “Tomaqavk” raketlərinin Ukraynaya təhvil verilməsinə razılıq verərsə, çox güman ki, Ukrayna Silahlı Qüvvələrini köhnəlmiş modellərlə təmin edəcək. Onların Rusiyanın hava hücumundan müdafiə sistemləri tərəfindən asanlıqla qarşısını ala bildiyi qeyd edilib.
