Amerikanın yeni seçilmiş prezidenti Donald Tramp Ukrayna münaqişəsinin bitməsi barədə danışan Rusiya prezidenti Vladimir Putindən sitat gətirib.
1xeber.media xəbər verir ki, söhbət Rusiya liderinin dekabrın 19-da birbaşa xətt zamanı dediyi ifadədən gedir.Putin amerikalı jurnalistin Trampla mümkün görüşlə bağlı şərhinə cavab verərək, “O istəsə, görüşməyə hazır olacağam” deyib.
Sonra Rusiya prezidenti qeyd edib ki, Tramp özü “bu barədə heç nə demir” və iki ölkə liderləri dörd ildən artıqdır ki, ünsiyyət qurmurlar.“Tramp bazar günü çıxışı zamanı bu şərhi Ukraynada döyüşlərə son qoyacağına dair seçki kampaniyası vədinin bir hissəsi kimi göstərib”, - materialda deyilir.
