69 yaşlı Hollivud ulduzu Denzel Vaşinqton keşiş olub.
1xeber.media axşam.az-a istinadən xəbər verir ki, o, vəftiz olundu və ruhani lisenziyası alıb.
Mərasim Nyu-Yorkun Harlem şəhərində yerləşən Məsihdəki Allahın Kelli Məbədi Kilsəsində baş tutub.
"Bir həftədən sonra 70 yaşım olacaq. Bu bir qədər vaxt aldı, amma buradayam" deyə, Denzel sosial media hesabında yazıb.
Qeyd edək ki, D.Vaşinqton 1990 və 2002-ci illərdə "Oskar"a layiq görülüb. Bununla yanaşı, Hollivud ulduzu "Ən yaxşı aktyor" nominasiyası üzrə ən çox namizəd seçilən ilk qaradərili aktyor kimi tarixə düşsə də 20 ildən çoxdur bu mükafatı ala bilmir.
O, “Qladiator 2” filmindəki ikinci plan roluna görə “Qızıl Qlobus 2025” mükafatına namizəd olub. Mükafatlandırma mərasimi yanvarın 5-də keçiriləcək.
