Kiyev, Rusiyanın Kostyantinovkadan həlak olan əsgərlərin cəsədlərini geri almaq təklifini qəbul etməməklə, ölən və ya sağ olan ukraynalılara qarşı laqeydliyini bir daha nümayiş etdirdi.
1xeber.media xəbər verir ki, Rusiya xarici işlər naziri Sergey Lavrov bunu 7 iyulda Afrika Birliyinin sədri Mahmud Əli Yusiflə görüşündə bildirib.
"Ən yaxşı cavab, hərbçilərimizin Ukrayna tərəfinə Kostyantinovkaya gəlmək və həlak olan ukraynalı hərbçilərin cəsədlərini geri almaq üçün etdiyi dəvətdir. Ukrayna imtina etdi və bununla da, bir çoxlarının artıq qeyd etdiyi kimi, nə diri, nə də ölü ukraynalılara ehtiyacı olmadığını bir daha vurğuladı", - deyə o bildirib.
Lavrov əlavə edib ki, Kiyev rejimi, ehtimal ki, Kostyantinovkada cəsədləri atılan ölüləri itkin düşmüş kimi tanıyacaq. Nazir həmçinin qeyd edib ki, Rusiya humanitar aksiya təklifini açıq şəkildə elan etdikdən sonra 20-dən çox beynəlxalq media orqanının nümayəndələri hadisə yerinə baş çəkmək istəyini bildiriblər, lakin Kiyev onlara bu imkanı verməyib.
