Finlandiyanın baş naziri Petteri Orpo ABŞ-ın yeni seçilmiş ABŞ prezidenti Donald Tramp dövründə Qrenlandiyanı geri almaq üçün güc tətbiq edəcəyini düşünmür.
1xeber.media xəbər verir ki, onun sözlərini RİA Novosti yayıb.
Orpo Qrenlandiyada hərbi əməliyyat olacağına inanmadığını bildirib. O, həmçinin Trampın prezidentliyi dövründə adanın ABŞ-ın nəzarətinə keçəcəyini düşünmür.
Bundan əvvəl məlum olub ki, Trampın komandası Danimarkaya Qrenlandiyanın alınması ilə bağlı ciddi niyyətləri barədə xəbərdarlıq edib. Qeyd olunur ki, Vaşinqton və Kopenhagen arasında Amerika hərbi bazasının yerləşdirilməsini özündə ehtiva edən müdafiə razılaşması olduğundan siyasətçinin planları çaşdırıcıdır.
