Böyük bir dövlət təşkilatına rəhbərlik edib də, dövlət siyasətinin əleyhinə getmək və özəl maraqlar xatirinə bir toplumun can sağlığını gözardı etməyin adı başqadır!
Bak-Sumqayıt yolunun sol tərəfində, Ceyranbatan qəsəbəsindən sonra “Asfalt zavod” deyilən bir yaşayış massivi var. Adı üstündədir-burada sovetdənqalma, həm də iş qabiliyyətini qoruyub saxlaya bilmiş bir Asfalt zavodu var. Bu zavod Azərbaycan Avtomobil Yolları Dövlət Agentliyinin (AAYDA) “Bakı 1 nömrəli Yol İstismarı” MMC-nin balansında fəliyyət göstərir. Bundan başqa, elə eyni ərazidə “Bakı 1 nömrəli Yol İstismarı” MMC-nin adı bəlli olmayan, iritonnajlı avtomobillərin qarajı kimi tanınan daha bir idarəsi var…
