Kommunal xidmətlərdə operativlik dedikdə çox vaxt ağlımıza saatlarla, bəzən günlərlə çəkən təmir işləri gəlir. Amma builki statistikalar və xüsusilə bu gün Suraxanıda yaşananlar göstərir ki, çevik idarəetmə itkilərin qarşısını necə sürətlə ala bilər. Söhbət Yeni Günəşli qəsəbəsində baş verən su qəzasından gedir. Hadisə barədə məlumat daxil olandan cəmi 25 dəqiqə sonra ərazidəki böyük axıntının qarşısı alınıb.
1xeber.media xəbər verir ki,bu gün səhər saatlarında Suraxanı rayonu, Yeni Günəşli qəsəbəsinin sakinləri içməli su xəttində qəfil baş verən sızma ilə qarşılaşıb. D yaşayış massivi, 29-cu binanın yaxınlığından keçən 110 mm diametrli içməli su borusunda partlayış qeydə alınıb. Saat 08:45-də rayon sukanal idarəsinə daxil olan həyəcanlı zəngdən dərhal sonra vaxt itirmədən hərəkətə keçilib
Hadisə yerinə cəmi 10 dəqiqə ərzində – saat 08:55-də çatan Suraxanı rayon Sukanal İdarəsinin qəza bərpa briqadası saniyələrlə yarışmalı olub. Suyun ətrafa yayılmasının və qiymətli içməli su ehtiyatının boşa axmasının qarşısı cəmi 15 dəqiqəlik gərgin işdən sonra, saat 09:10-da tamamilə alınıb.
lk operativ müdaxilədən sonra ərazidə əsaslı bərpa işlərinə start verilib. "İri Şəhərlərin Su Təchizatı" xidmətinin təcrübəli mütəxəssisləri günorta saat 11:45-də qəzanın fəsadlarını tamamilə aradan qaldıraraq xətti normal fəaliyyətinə qaytarıblar. Beləliklə, böyük bir qəza və yarana biləcək su itkisi peşəkar komandanın düzgün koordinasiyası sayəsində qısa müddətdə tarixə qovuşub.
